《浪姐3》赛程啱过半，
新一季《披荆斩棘》
（就是之前嘅《披荆斩棘的哥哥》）
都已经开录了啵~
网传《披哥2》初舞台
将于今日（29日）录制，
因此呢几日陆续都有
参赛“哥哥”的上班路透流出。
好似林峯、吴卓羲
早前就已经被拍到
现身长沙录影棚外。
2R（Raymond+Ron）
呢对古早CP难得合体，
唔少网友都大嗌
童年回忆翻嗮嚟，
马上梦回两人合作的
《大唐双龙传》！
虽然对多数观众嚟讲，
两人嘅演员身份更为人熟知，
但其实两人都係
开过个唱嘅歌手嚟噶~
加上作为TVB当红小生，
经历多届台庆晚会
尬歌尬舞劲歌热舞的磨练，
唱跳经验都真係唔少噶。
而且两人（暂时睇落）
仲算保养得宜，
可以话係
今届“大湾仔”梯队中的种子选手
不过大家惦记多时嘅
黄宗泽就忙住“开片”，
寻日仲啱啱为新戏
出席拜神仪式，
睇嚟都应该无缘参战
今届《披荆斩棘》啦。
见唔到“三剑客”合体，
好多网友都大感可惜。
不过今届《披荆斩棘》
“大湾仔”含量确实好高，
除咗上面提到嘅2R，
网传名单中仲有曾比特、
周柏豪、刘恺威、
温兆伦、杜德伟等，
年龄跨度都几大下，
其中多数都有被拍到
现身长沙准备录制。
当中刘恺威嘅出现
引起唔少网友热议，
当初的“夜光剧本”事件
虽然过去多时，
但“互联网都是有记忆的”，
事件影响持续发酵。
“杨幂前夫”呢一头衔
更係令佢自带话题性，
唔知《披荆斩棘》呢个
娱乐圈的再就业摇篮
能否让佢事业再度回春？
另外，陈小春、张智霖
也会以“返场哥哥”身份回归，
最初名单中仲有林晓峰，
不过都有网友透露
最终阵容中并冇阿lo。
除咗“大湾仔”们，
今届《披荆斩棘》嘅
其他哥哥都几有睇头噶，
古早偶像组合F4
继言承旭后派出吴建豪参赛。
去年在《追光吧》
大放异彩的他
今年再战《披荆斩棘》，
舞台实力绝对令人放心。
同为童年偶像的
苏有朋则代表
呼声甚高嘅“小虎队”出战。
另外仲有张震岳、潘玮柏、
任贤齐、吴克群、郑钧、
信等多位大咖加盟，
实力vocal含量远超上届。
当然啦~
网传名单始终有啲水分，
终极名单都係要
以节目组官宣为准啵！
据悉《披哥2》预计八月中
接档《浪姐3》播出，
随住舞台录制进程推进，
相信好快就有更多
精彩大瓜物料释出。
唔知你最期待边个
哥哥嘅舞台表现？
最遗憾边个无缘参赛？
欢迎留言同我哋分享吖~
杨丞琳跟潘玮柏吻戏完
杨丞琳在综艺
《灿烂的前行》里
自曝自己和好友潘玮柏
拍完吻戏就各自干呕，
“亲解”友人好难成恋人。
张天爱被轮流公主抱
张天爱在《乘风破浪》
衍生节目《突袭训练室》里
被一众姐姐轮流公主抱，
后来为咗证明自己嘅力气，
小爱同学又抱起于文文做深蹲，
原来姐姐们也有
奇奇怪怪的胜负欲。
金晨、陈小纭晒短发look
夏天到！
唔少女仔都开始
切换短发模式啦~
今日就有金晨、陈小纭等
女明星show出短发造型，
唔知你觉得佢哋嘅新look
可以打几分？
